Biður um nýggja lóg um útboð

Kappingarráðið hevur biðið landsstýrismannin í fíggjarmálum gera betri útboðsreglur um alment innkeyp og uppgávur.

Áheitanin byggir á spurnarkanning, har føroyskar fyritøkur vóru spurdar um teirra royndir í sambandi við, at tað almenna, serliga kommununar, keypir vørur og tænastur og bjóðar út veitingar og verkætlanir.

Kappingarráðið mælir til at gera nýggja útboðslóg, sum byggir á nakrar grundhugsjónir.

Tær eru gjøgnumskygni, almennur og greiður metingarleistur, krav um grundgeving og kærumøguleiki.