70 veðurfrøðingar hava ráðstevnu í Føroyum

Yvir 70 veðurfrøðingar úr øllum Norðanlondunum, Týsklandi og Bretlandi hittast í Havn.

Teir hava ráðstevnu í dag, í morgin og fríggjadagin.

Veðurstova Føroya er vertur fyri ráðstevnuni, sum eitur Nordic Meterological Meeting.

Bárður á Steig Nielsen, landsstýrismaður, setur ráðstevnuna í morgun.

Stimbra samstarvið

Endamálið við ráðstevnuni er at stimbra samstarvið millum veðurfrøðingar, sum hava áhuga í veðrinum í norðurlendska og arktiska økinum.

Ikki bara veðurstovur eru við, men lærdir háskúlar, svenski herurin og feløg, sum arbeiða við grønari orku og ráðgeving í sambandi við veðrið.

Ráðstevnurøðin byrjaði í 1960, og hevur síðani verið annað hvørt ár.

Hetta er fyrstu ferð, hon er í Føroyum.

Men fólk á føroysku veðurstovuni vóru við í Keypmannahavn í 2024.