Hava gjørt uppskot um heilsumiðstøð á Tvøroyri

Eitt uppskot um heilsumiðstøð á Tvøroyri er gjørt.

Sambært uppskotinum, sum arkitektavirkið BRIM gjørdi, eru fimm kommunulæknaviðtalur og apotek.

Fundur var í kommunuskrivstovuni í Tvøroyri í gjár.

Har vóru kommunustýrislimir og borgarstjórar úr Tvøroyrar kommunu, Fámjins kommunu og Hvalbiar kommunu.

Eydis Hartmann Niclasen, landstýriskvinna í heilsumálum, aðalstjórin og starvsfólk í Heilsumálaráðnum vóru eisini á fundinum. 

Kunnaðu um ætlanina

Endamálið við fundinum var at kunna um og umrøða ætlanirnar at byggja ein tíðarhóskandi heilsudepil í Suðuroynni, sum er fyri kommunulæknarnar í Suðuroynni.

Eisini var tosað um møguleikan at hava aðrar heilsutænastur í sama bygningi, so sum apotekið.

Landsstýriskvinnan ætlar at kanna málið nærri, áðrenn endalig støða verður tikin.

Hon tók væl í móti uppskotinum, skrivar Tvøroyar kommuna.

Les meira her.