ES til reiðar at samráðast við Ukraina um limaskap

Øll ES-limalondini eru samd um at fara undir samráðingar um, at Ukraina skal gerast limur í ES.

Sostatt er Ukraina komið eitt fet nærri ES-limaskapi.

Tað skrivaði forsætisráðharrin í Ukraina, Julia Svyrydenko, í gjárkvøldið í uppslagi á sosiala miðlinum X.

- Frálík tíðindi: Øll limalondini í ES hava givið grønt ljós til at fara undir fyrsta stig í samráðingunum við Ukraina og Moldova um limaskap, skrivar Julia Svyrydenko.