Stuðla samráðingum um vápnahvíld millum Ukraina og Russland

Franski forsetin, Emmanuel Macron, týski kanslarin, Friedrich Merz, og bretski forsætisráðharrin, Keir Starmer, stuðla beinleiðis samráðingunum um vápnahvíld millum Ukraina og Russland.

Tí boðaðu teir frá í gjárkvøldið frá teimum sokallaðu E3-londunum, eftir ein fund í Bretlandi við ukrainska forsetan, Volodymyr Zelenskyj.

Teir róstu eisini Zelenskyj fyri royndirnar at fáa enda á krígnum.

Boðini koma, eftir at ukrainski forsetin í seinastu viku almannakunngjørdi eitt opið bræv til russiska forsetan, Vladimir Putin, tá hann skeyt upp, at teir báðir skulu hittast at umrøða, hvussu endi kann fáast á krígnum.

Svarið frá Putin var, at hann fyribils onga orsøk heldur vera til, at teir báðir skulu hittast.