Fleiri hundrað eftirskjálvtar í Filipsoyggjum

Fleiri hundrað eftirskjálvtar hava verið í Filipsoyggjum eftir jarðskjálvtan á oynni Mindanao í gjár, sum máldi 7,8 á Richter-stiganum.

Higartil er talið á deyðum 37,  meðan útivið 500 fólk hava fingið skaða, men myndugleikarnir vænta, at hesi tøl verða nógv størri.

Bygningar eru í sori, og vegir eru kloyvdir ella liggja undir skriðulopum.

Stórir partar av oynni liggja í streymloysi og hava einki telefonsamband, skrivar bretska kringvarpið.

Sambært týska jarðfrøðigranskingarstovnurin, GFZ, var miðdepilin í jarðskjálvtanum 10 kilomterar undir jørð.