Skulu síggja hvat ferðaseðilin í roynd og veru kostar

ES-tingið og limalondini í ES eru samd um nýggjar reglur, sum millum annað fara at gera tað lættari at síggja, hvat flogferðaseðlar í roynd og veru kosta.

Sambært nýggju reglunum skal eitt hondviðføri verða íroknað flogferðaseðlaprísirnar á netinum.

Hetta skal gera tað lættari at samanbera prísir, hóast flogfeløg framvegis frítt kunnu bjóða bíligari ferðaseðlar, sum ikki fevna um viðføri.

Ein onnur broyting er, at foreldur ókeypis kunnu bíleggja pláss við síðuna av sær til smábørn.

Rætt til endurgjald

Ferðafólk fáa framvegis rætt til endurgjald, um tey ferðast við einum flogfari, sum er seinkað í minsta lagi tríggjar tímar. 

Men nú skulu flogfeløg kunna ferðafólkini innan 96 tímar um mannagongd fyri at krevja endurgjald. Hetta fer helst at hava við sær, at fleiri ferðafólk fáa tað, tey hava rætt til.

- Avtalan er stórt framstig fyri evropisk ferðafólk og fyri flogferðsluøkið í Evropa, sigur Apostolos Tzitzi-kostas, ES-kommisserur fyri burðardygga samferðslu og ferðavinnu.

Semjan um nýggju reglurnar varð gjørd í Strasbourg í gjár. Tær eru ikki samtyktar enn, men tað verður væntandi ein formalitetur, skrivar NTB.