Russar inni aftur í olympiska hitanum

Russisk ítróttafólk kunnu nú aftur kappast til Olymiskar leikir undir egnum flaggi.

Altjóða olympiska nevndin, IOC, hevur strikað útihýsingina av russisku olympisku nevndini fyribils, skrivar in.fo. 

Russland hevur verið útihýst í OL-høpi síðan oktober 2023, sum avleiðin av russisku innrásini í Ukraina, sum byrjaði í februar í 2022, og statsstýrdum dopingroyndum. Síðan hava russiskir íðkarar kappast undir uttanveltaðum flaggi.

Nýggjar reglur leggja upp til, at ítróttafólk skulu ikki revsast fyri atburð og gerðir hjá stjórn teirra, skrivar The Guardian.

IOC sigur seg kortini ikki hava broytt støðu til russisku innrásina í Ukraina.

 - IOC stendur í samhuga við olympisku nevndini í Ukraina, sum olympiska rørðslan hevur stuðlað síðan kríggið byrjaði og frameftir fer at gera, skrivar altjóða olympiska nevndin á heimasíðu síni.

Ikki er kortini vist, um russiska flaggið og tjóðsangurin vera at síggja og hoyra til Olympiskar leikir. Ta avgerðina skal IOC taka seinni.

Altjóða olympiska nevndin fer framvegis ikki at skipa fyri ítróttakappingum á russiskari jørð.

Næstu summarleikirnir vera í Los Angeles í 2028.