Summarfrí við pengum frá ALS

Fólk, sum eru arbeiðsleys og fáa pengar frá ALS, kunnu nú halda frí við arbeiðsloysisstuðli.

Kunngerðin um tað er komin. 

Rætturin at halda frí við arbeiðsloysisstuðli verður gjørdur upp í tímum.

Hann kann ikki roknast um til pengar.

Leisturin er tann sami, sum løntakarar brúka til at vinna sær rætt til frítíð við løn, meðan tey arbeiða.

Fyri hvønn mánað í ALS vinna fulltíðararbeiðsleys fólk sær rætt til 2,08 dagar frítíð við arbeiðsloysisstuðli. 

Tað gevur 25 frídagar við arbeiðsloysisstuðli um árið. 

Kunngerðin fær virknað frá 1. apríl 2025. 

Tað vil siga, at fólk, sum hava verið arbeiðsleys farna árið, kunnu fara í feriu við arbeiðsloysisstuðli nú í summar.