Bilur koyrdi inn í mannamúgvu til Pride

Ein kvinna lat lív og sekstan fingu løstir, tá ein bilur í gjárkvøldið koyrdi inn í eina mannamúgvu á Pride- hátíðarhaldinum í týska høvuðsstaðnum, Berlin.

Tað skrivar bretska kringvarpið. 

Løgreglan hevur eyðmerkt ein mann, sum er undir illgruna fyri at hava koyrt hvíta vørubilin, sum seinni varð funnin í einari park, har hann hevði rent á eitt træ. Førarin var rýmdur til gongu.

Løgreglan sigur, at maðurin, sum ikki er handtikin enn, hevur samband við islamistiskar bólkar, skrivar BBC.

Borgarstjórni í Berlin, Kai Wegner, kallar hendingina eitt álop á fría og tollynta samfelagið í býnum.

- Eg kann bert siga, at Berlin er ein býur, sum er merktur av frælsi og margfeldi, og fer at standa enn sterkari. Vit fara ikki at lata nakran taka frá okkum okkara livihátt og okkara máta at liva saman.

- Vit mugu bíða eftir, hvat kanningarnar vísa, og hvat var atvoldin til hesa brotsgerð, segði borgarstjórin í Berlin, Kai Wegner.