Bordeaux í vanda

Myndugleikarnir umhugsa nú at flyta fólk úr franska stórbýnum Bordeaux, tí skógareldarnir nærkast og tamarhald er ikki á støðuni, skrivar Danmarks Radio.

Skógareldarnir nærkast støðugt býnum og eru nú bara fimtan kilometrar burtur. Ein breiður ringvegur virkar sum eitt slag av verju móti eldinum, men tað er serliga roykurin sum ger støðuna í býnum vandamikla.

Frammanundan eru 200.000 fólk flutt burtur orsaka av eldinum, og tað er tað mesta nakrantíð í friðartíð. 

Í byarkjarnanum í Bordeaux búgva 300.000 fólk, men verða øll tald við, er talan um eina millión fólk.