Lech Poznań-listamaður hevur sett sín dám í Føroyum

Pólski gøtulistamaðurin Kawu, sum er trúgvur Lech Poznań-fjeppari, er komin til Føroya í sambandi við dystin móti KÍ. Og sum vant hevur hann latið eitt listaverk eftir seg – hesa ferð við einum serføroyskum íblástri.

Kawu er kendur fyri at ferðast undan Lech Poznań-spælarahópinum, tá pólska liðið spælir útidystir í Evropa. Á ferðunum málar hann ofta eyðkendu Poznań-geitina í bláum og hvítum litum nærhendis leikvøllin hjá mótstøðuliðum.

Nú er geitin eisini komin til Føroya.

Á nýggja verkinum hjá Kawu, sum er málið við áskoðarplássini hjá útiliðnum á Tórsvølli, sæst ein Lech Poznań-geit, sum roytir ein heldur dapran seyð. Myndin sipar bæði til Føroyar og evropeiska dystin millum KÍ og Lech Poznań.

Kawu kom til Føroya nakrar dagar undan pólska fótbóltsferðalagnum, og hevur sjálvur deilt myndir av verkinum á sosialu miðlunum, millum annað á Instagram.

Hann er ein av kendastu gøtulistafólkum í Poznań, og er millum annað kendur fyri veggjamálningar við íblástri úr teknifilmum, filmum og spølum – og so fyri hesi listaverkini úr fótbóltsumhvørvinum.

lech_poznan_geitin_i_kaunas.jpg

lech_poznan_geitin_i_islandi.jpg

lech_poznan_geitin_a_polska_tjodarleikvollinum.jpg

lech_poznan_geitin_i_kekkia.jpg

lech_poznan_geitin_i_foroyum.jpg