- Tíðindi, mentan og ítróttur
Trump hóttir við at leypa á Oman
Trump hóttir við at leypa á Oman
Iran og Oman arbeiða við ætlan um at lata Hormuzsundið uppaftur, og hvussu skipaferðslan í sundinum skal skipast
Donald Trump, forseti, sigur, at Oman forðar fyri eini avtalu millum USA og Iran um Hormuzsundið.
Mynd: Saul Loeb/Reuters/Ritzau Scanpix
17.08.2026 - 13:48
Amerikanski forsetin, Donald Trump, hóttir nú við at leypa á Oman, um landið forðar fyri eini avtalu millum USA og Iran um Hormuzsundið.
Tað sigur amerikanski forsetin í samrøðu við amerikanska miðilin, Fox News, skrivar norska kringvarpið, NRK.
Samstundis sigur Iran seg leggja seinastu hond á felags yvirlýsing saman við Oman. Tey bæði londini arbeiða við eini ætlan um at lata Hormuzsundið uppaftur, skrivar AP-tíðindastovan.
Esmaeil Baghaei, talsmaður í iranska uttanríkisráðnum, váttar, at londini bæði eru samd um, hvussu skipaferðslan skal skipast, skrivar AP.
Miðskeiðis í juni samdust USA og Iran um at fáa friðaravtalu millum londini bæði í lag innan 60 dagar.
Tann freistin er úti í næstu viku.
Er kopiera
Nýggjastu sendingar í ÚV
Nýggjastu sendingar í SV
