15 vilja vera deildarleiðari á Útlendingastovuni

15 fólk vilja vera deildarleiðari á Útlendingastovuni. Freistin at søkja starvið var úti 10. august.

Bæði kvinnur og menn hava søkt. 

Útlendingastovan er skipað undir Vinnustovninum, sum er stovnur undir Vinnumálaráðnum.

Útlendingastovan varðar av útlendinga- og integratiónsøkinum í Føroyum og tekur avgerð í umsóknum frá útlendingum um arbeiðs- og uppihaldsloyvi og familjusameining, umframt at hon vegleiðir um viðurskifti hjá útlendingum í Føroyum. Harumframt røkir Útlendingastovan uppgávur í sambandi við lógina um flóttar úr Ukraina.

18 starvsfólk

Jógvan Thomsen, stjóri á Vinnustovninum, sigur, at nýggi deildarleiðarin á Útlendingastovuni verður settur 1. oktober ella 1. november.

18 fólk starvast á Útlendingastovuni.

Sólvá Dam hevur røkt starvið sum deildarleiðari fyri Útlendingastovuna síðan 2021, men er nú farin í nýtt starv sum deildarstjóri í Almanna- og bústaðamálaráðnum.