Lítið av toski, men nógv hýsa

Sera lítið er at fáa av toski, men framvegis er nógv til av hýsu á føroyska landgrunninum.

Tað skrivar Havstovan.

Á árligu yvirlitstrolingini á føroyska landgrunninum hjá Jákupi Sverra, havrannsóknarskipinum í august vóru 200 hál á ein tíma tikin. 

Niðurstøðan er, at tað er lítið at fáa av toski í ár samanborið við onnur ár, og tað minsta, síðani yvirlitstrolingarnar byrjaðu í 1996. Toskurin var eisini rættiliga rak og át mest hvítingsbróður og krabbadjór, men nærum onga nebbasild.

Nøgdin av hýsu var minkandi, og hon var rættiliga rak í ár. Munandi partur av hýsuveiðuni var smáhýsa.

Nógv var at fáa av gulllaksi og svartkjafti, meðan nøgdin av upsa var áleið tann sama sum onnur ár.

Nøgdin av longu var framvegis lítil, og eisini var lítið at fáa av stórum kongafiski og trantkongafiski.