Ikki vist at vit fáa nýggjan heilivág fyri alzheimer

Tað verður ein løta enn, áðrenn greitt verður, um nýggi heilivágurin donanemab fyri alzheimer verður loyvdur í Føroyum.

Bíðað verður eftir danska heilivágsráðnum, sum skal siga, um donanemab skal tilmælast. 

Tann avgerðin kemur 26. november.

Ein annar nýggjur heilivágur fyri alzheimer er lecanemab.

ES góðkendi lecanemab og donanemab í fjør.

Men heilivágsráðið í Danmark mælir til ikki at brúka lecanemeb.

Og tað gjørdu hini Norðurlondini eisini.

Orsøkin er vandi fyri hjáárinum og kostnaðurin.

Serstakur heilivágur

Í Føroyum skal ráðið fyri serstakan sjúkrahúsheilivág gera tilmæli.

Vanliga fylgir føroyska ráðið avgerðunum hjá heilivágsráðnum í Danmark.

Ráðið tekur eisini atlit at, hvat onnur grannalond gera. 

Tað sigur Eyðdis Hartmann Niclasen, landsstýriskvinna, í svari til Elsebeth Mercedis Gunnleygsdóttur, løgtingskvinnu.

Skal viðgerðin við donanemab bjóðast í Føroyum, fer hon at kosta okkurt um 15 milliónir kr. um árið.

So skjótt sum danska heilivágsráðið hevur tikið støðu í november, fer ráðið fyri serstakan sjúkrahúsheilivág at taka støðu, sigur landsstýriskvinnan.