Óli Mittún aftur dagsins maður hjá GOG

Óli Mittún er flúgvandi fyri tíðina.

Mikudagin var kviki bakspælarin lyklaspælari í týðandi  Champions League-sigrinum hjá GOG á Pick Szeged, og leygardagin var hann aftur dagsins maður í landskappingarsigri á heimavølli.

GOG vann 32-28 á Fredericia, og Óli Mittún skoraði upp á allar sínar átta skotroyndir. Harumframt legði landsliðsstjørnan upp til tvey.

Fjónliðið hevur fingið eina frálíka byrjan upp á kappingina, og tað er millum annað Óla Mittún at takka. Í Bambuni-kappingini, sum besta danska deildin kallast, hevur GOG vunnið fimm, spælt ein javnleik og er í løtuni á odda saman við Ribe-Esbjerg.

Í Champions League eru tveir rdystir spældir higartil. GOG fekk oyruni í maskinuna í Lissabon ímóti Sporting, men reisti seg við heimasigrinum á Pick Szeged.