Kasakar eru lendir í øllum góðum

Føroyska manslandsliðið skal í morgin spæla fyrsta dystin í nýggju UEFA Nations League-kappingini. Mótstøðuliðið er Kasakstan, sum skuldi lenda í Føroyum hóskvøldið, men ferðin bleiv útsett, tá øll flogferðsla í Vágum varð avlýst vegna veður.

Scat Air-flogfarið úr Astana lendi í Vágum í morgun. Seinkingin hevur kortini ikki sett dystin í vanda. Kasakstan kom til Føroya góðar 32 tímar undan dystarbyrjan. Kasakstan hevur sína seinastu venjing undan dystinum á Torsvølli í dag.

Føroyar og Kasakstan spæla á Tórsvølli leygardagin klokkan 17. Dysturin er fyrsti dysturin hjá Føroyum í Nations League-bólkinum, har Føroyar eisini eru saman við Moldova og Slovakia. Sjónvarpið vísir dystin og byrjar at senda klokkan 16. Í undansendingini verður millum annað hugt aftur á HM-undankappingina. Sí innslagið undir tekstinum.