Aron sendi góða umsókn til A-landsliðsvenjararnar

Aron Benjaminsen sendi eina góða umsókn til A-landsliðsvenjararnar, tá hann við tveimum málum tryggjaði føroyska U21-fótbóltslandsliðnum tepran útisigur á Estlandi.

Fyrrverandi víkingavongurin, sum fyri kortum varð seldu til skotska høvuðsstaðarfelagið Hearts, gjørdi vart við seg eftir málleysan fyrra hálvleik. 

Fyrst revsaði hann eitt málverjamistak, og síðan økti hann til 2-0 eftir góðan og eyðkendan solotúr úr høgru síðu. 

Spurt hevur verið, hví 18 ára gamli úrmælingurin ikki varð tikin út til A-landsliðið, sum spælir ímóti Kasakstan í dag, men  hann stendur á gáttini, hevur Eyðun Klakstein sagt, og eitt pláss er framvegis ómannað í landsliðshópinum.

Tristan Pajo minkaði um munin til 2-1 níggju minuttir fyri leiklok, men føroyingarnir hildu fast. Ólavur Mikkelsen og hansara menn komu við sigrinum upp á 12 stig, sum er U21-met, og framvegis ber til at spæla seg til EM-endaspælið, men tá skal nógv hepnast fyri at fáa Sveis aftur.