Bárður og Jenis rúkandi ósamdir um Tel Aviv

Føroysku sendistovurnar í Moskva og Tel Aviv verða nú niðurlagdar. Hildið verður fram við sendistovu í London, men nú verður tað sendifólkið til ES, sum eisini verður sendifólk til Bretlands.

Tað boðar uttanríkis- og fiskimálaráðið frá í sambandi við, at fíggjarlógin fyri 2027 er løgd fram í dag.

Ráðið sigur í fráboðan, at Uttanríkistænastan verður umskipað, so orka og førleikar í størri mun verða savnað um Norðuratlantshav og Arktis.

- Vit mugu styrkja okkum, har vit veruliga vilja gera vart við okkum.

Tað sigur Bárður á Steig Nielsen, landsstýrismaður í uttanríkis- og fiskivinnumálum, nú landsstýrið í uppskotinum til fíggjarlógina fyri 2027 leggur upp til, at sendistovurnar í Moskva og Tel Aviv verða niðurlagdar. 

Jenis av Rana var landsstýrismaður í uttanríkismálum, tá sendistovan í Tel Aviv lat upp.

Hann heldur framvegis, at hon hevur stóran týdning, og vísir á, at útflutningurin til Ísrael er vaksin úr nøkrum hundraðtúsund krónum upp í fleiri milliónir. Í 2025 varutflutningsvirðið áleið 52 mió. kr.

Tí skilir hann als ikki ætlanina um at niðurleggja sendistovuna í Ísrael.

Hoyr innslag í útvarpstíðindunum