Barnakonur skulu fáa tilboð um ultraljóðskanning í viku 12

Sjúkrahúsverkið er biðið um at lýsa, hvørjir fyrimunir og møguligir vansar eru við at ultraljóðskanna barnakonur í viku 12.

Í fíggjarlógaruppskotinum fyri 2027 eru pengar til at styrkja barnakonuøkið.

Tað sigur Eyðdis Hartmann Niclasen, landsstýriskvinna, sum hevur svarað spurningi frá Hervør Pálsdóttur, løgtingskvinnu.

Hon spurdi um ultraljóðskanningar til barnakonur í viku 12.

Landsstýriskvinnan svarar, at hon vil hava tilboð um slíka kanning í Føroyum. 

Og Sjúkrahúsverkið er biðið um at lýsa, hvat krevst fyri at fáa hetta tilboðið.

Hini Norðurlondini bjóða øll ultraljóðskanning í viku 12.