Málsøkið rúsevni kemur á føroyskar hendur á nýggjárinum

Løgtingið hevur einmælt samtykt at yvirtaka málsøkið rúsevni.

Við yvirtøkuni fáa føroyskir myndugleikar heimild at regulera økið við løgtingslóg.

Málsøkið verður í høvuðsheitum longu umsitið og fíggjað av føroyskum myndugleikum.

Sambært uppskotinum skal málsøkið koma á føroyskar hendur 1. januar næsta ár. 

Ein samd trivnaðarnevnd tók undir við uppskotinum frá landsstýrinum

Øll 21 tingfólkini, sum vóru í tingsalinum, atkvøddu fyri, tá málið var til aðru viðgerð fyrrapartin. 

Málið skal hava eina viðgerð aftrat í tinginum.