P/f Norðoyatunnilin skal fyrireika Kalsoyartunnil

P/f Norðoyatunnilin skal fyrireika Kalsoyartunnil
Jacob Vestergaard, landsstýrismaður í vinnumálum, ætlar, at P/f Norðoyatunnilin skal fyrireika ein undirsjóvartunnil til Kalsoyar
08.10.2026 - 19:24

Tunnilsbólkurin við Bjørn Kalsø á odda hevur strongt á, og nú sær út til, at okkurt fer at henda.

Eitt lógaruppskot er á veg í tingið, sum skal geva Norðoyatunnilsfelagnum heimild at gera fyrireikingarnar. Løgtingið skal so taka støðu til verkætlanina, tá tað er liðugt, sigur Jacob Vestergaard, landsstýrismaður í vinnumálum.

- Okur hava samskift við Norðoyatunnilin, sum er tilreiðar at hyggja upp á, hvussu mann kann fara víðari og gera forkanningar, projekt og møguliga bjóða út, soleiðis at okur fáa greiðu á, um ella nær okur kunnu gera ein Kalsoyartunnil.

Men til tað krevst lógarbroyting.

- Og um Norðoyatunnilin skal víðka sítt virksemi til eisini at kunna taka sær av hesum her, so má lógin um Norðoyatunnilin broytast, so hon heimilar Norðoyatunlinum, nevndini, stjóranum, at fara undir at gera hesar fyrireikingarnar.

Eitt ítøkiligt lógaruppskot er á veg, sigur landsstýrismaðurin.

Lógaruppskotið verður eftir ætlan lagt fyri tingið nú í heyst. Tað er sjálvandi tað fyrsta, sum skal gerast. Um tingið heimilar at broyta lógina, so verður farið í gongd við fyrireikingarnar so skjótt sum møguligt.

Ætlanin er ikki nýggj
Hvørki í fíggjarlógaruppskotinum fyri næsta ár ella í løglistanum til ólavsøkurøðuna var henda ætlanin at síggja. Kortini sigur Jacob Vestergaard, at hetta ikki er ein nýggj ætlan.

- Eg tók tað upp aftan á ein fund við ein áhugabólk í Kalsoynni. Eg havi kunnað um tað í politisku skipanini, eisini í landsstýrinum. So, eg haldi at tað er rímilig undirtøka fyri at fara undir hetta her. Løglistin er ikki úttømandi sum so, okkurt kann koma afturat. Hetta er ein broyting, sum okurt eru komin til er neyðug at gera, fyri at Norðoyatunnilin Og Norðoyatunnilin hevur nakað av pengum á bók, sum kunnu brúkast til hetta endamálið. 

Sí innslag úr Degi og viku.

 
Er kopiera
Nýggjastu sendingar í ÚV
Hósdag 12. november
Breddin: Kervi+ og fólkaskúlin
216300
Hósdag 12. november
Eitt fræ
216034
Hósdag 12. november
Hús
216070
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Hósdag 12. november
Talvið um Tinganes (2:2)
216265
Týsdag 10. november
Veðrið
216210