Mistak: Bankin strikaði húsakeypið

Ein handil er ikki altíð ein handil.

Tað má Sigtórur Andreasen sanna.

Hann helt seg hava keypt eini hús í Hósvík, og fór við góðari samvitsku undir at høvuðsumvæla tey.

Men nakrar mánaðir seinni misti hann tey aftur - bankin hevði gjørt eitt mistak. 

Bankin mátti sanna, at familjan hjá tí, sum átti húsini, áðrenn tey fóru á tvingsilssølu, høvdu ein forkeypsrætt.

Nú er málið endað í rættinum, tí partarnir eru ikki samdir um endurgjaldið.

Bankin harmast

Betri Banki vil ikki gera samrøðu um húsini í Hósvík.

Men í skrivi harmast bankin um mistakið.

 - Vit vóru greið yvir forkeypsrættin, men vóru av tí fatan, at hann var fráfallin. Hetta áttu vit at havt tryggjað okkum betur, sigur Olav Guttesen, varastjóri og vinnukundastjóri í Betri Banka.

Bankin leggur afturat, at tað er harmiligt, at málið hevur tikið so langa tíð, men hann væntar, at rætturin fer at koma fram til eina rímiliga loysn fyri allar partar.

(Myndir og klipp: Benjamin Hansen)