Spenningur til síðsta sekund

Tá tíðin í høllini vísti 59:59, var úrslitið 24-24 millum Neistan og Kyndil, ið hittust í Høllini á Hálsi í gjár.

Rasmus Søby hjá Neistanum tekur fríkast og fær mál. Men málið verður koldømt, og Neistaskjúttin má taka fríkasti eina ferð afturat, og hesa ferð fær hann ikki mál.

Dysturin endaði tí javnt, 24-24, og bæði liðini fingu 1 stig.

Kyndil liggur nú nummar trý við 18 stigum, meðan Neistin liggur nummar tvey í FTZ-kappingini við 25 stigum.

Neistin hevur tó spælt ein dyst minni enn H71, sum liggur á fyrsta plássinum við 27 stigum.

Vestmenningar vunnu

Í Vestmanna tók VÍF ímóti oddaliðnum, H71. Her vístu hoyvíkingar, hví teir liggja nummar 1, tá teir vunnu ein greiðan 27-21 sigur.

VÍF hevur 18 stig og liggja nú nummar 4.

Eftir dystirnar í gjár er støðan í FTZ-kappingini hendan: