Luktur frá biogassverki verður ikki til ampa

Fólk, sum búgva í økinum, fara ikki at hava ampa av lukti frá biogassverkinum, sum skal byggjast á Hjalla oman fyri Hvítanes.

Tað vísir ein árinskanning, sum er gjørd fyri verkið, og sum Umhvørvisstovan hevur góðkent.

Eitt dótturfelag hjá Bakkafrosti skal byggja og reka biogassverkið, og farast kann ikki undir byggingina, fyrr enn umhvørvisgóðkenning er latin.