Tit sleppa at síggja Jóhan!

Tað staðfesti venjarin hjá danska manshondbóltslandsliðnum, Nikolaj Jacobsen, í viðtali við Kringvarpið eftir venjingina hjá danska landsliðnum í Gigantium í dag.

Nikolaj Jacobsen leggur dent á, at hann fer at nýta dystin móti Føroyum til at lata fleiri av yngri spælarunum sleppa at royna seg, nú Danmark longu hevur vunnið bólkin og tryggjað sær sætið í EM-endaspælinum næsta ár.

- Og eg kann vissa tykkum um, at Jóhan Hansen verður á vøllinum móti Føroyum í morgin, staðfestir ein brosandi Nikolaj Jacobsen.