Nótaskip fiska makrel fyri aðrar skipabólkar

Øll skulu hava lut í makrelríkidøminum.

Tað hava politikararnir gjørt av.

Tí hevur landsstýrismaðurin í fiskivinnumálum um nýggjársleitið skrivað út makrelrættindi til so at siga allan fiskiflotan.

Tað merkir, at línuskip, trolbátar, garnaskip, ísfiskatrolarar og rækjuskip hava fingið útskrivað rættindi at fiska makrel.

Eingin av hesum skipabólkum fiskar makrel, og skipini eru heldur ikki útgjørd til tað.

Sí innslag í Degi og Viku og samrøðuna við Jacob Vestergaard, landsstýrismann í fiskivinnumálum, og Høgna Hoydal, fyrrverandi landsstýrismann, sum vóru gestir í sjónvarpsstovuni.