Kvinnur fáa minni í pensjón

Tann pensjónin, sum kundar hjá Lív og Betri Pensjón sjálvi hava spart upp, verður útgoldin í trimum. Fyrst fáa allir pensjónistar 15 prosent útgoldið sum eingangsupphædd, tá ið tey koma um pensjónsaldur. Síðani verður ein partur útgoldin yvir 10 ár.

Hesir báðir partar av pensjónini eru neyvt tað sama fyri bæði kynini.

Men tey seinastu 45 prosentini, sum øll fáa útgoldið sum lívrentu til tey doyggja, gera mun á kynunum. Tí har fáa kvinnur 10 prosent minni útgoldið enn menn. Orsøkin er, at kvinnur væntast at liva longri.

Sí innslag frá Degi og Viku fríggjakvøldið við at trýsta á pílin á myndini.