Dreymurin um oljuvinnuna livir enn

Í 2050 fer Danmark at gevast við at útvinna olju úr danska partinum av Norðsjónum, og fleiri onnur lond hava tikið líknandi, prinsipiellar avgerðir. Men í Føroyum livir vónin um at finna olju  á føroyska landgrunninum framvegis.

Jan Müller í nógv ár fylgt neyvt við oljuvinnuni í Føroyum. Fyrrverandi blaðstjórin arbeiðir í dag hjá Føroya Oljuídnaðarbólki. Grøna kósin hjá donsku stjórnini hevur við sær, at Danmark ikki fer undir fleiri leitingar eftir olju, og landið steðgar allar útvinnan av olju í 2050.

Hóast oljuvinnan ásannar, at varandi orkukeldur eru framtíðin, so merkir tað tó ikki, at tørvurin á olju steðgar her og nú.

-Áhugin fyri føroyska landgrunninum er framvegis stórur, sigur Jan Müller.

Og tí hava Føroyar framvegis vónir um at útvinna olju úr landgrunninum, 28 ár eftir at Atli Dam og Poul Schlüter, táverandi løgmaður og forsætisráðharri, undirskrivaðu semjuna um føroysku undirgrundina.

Eftir innslagið er kjak í sjónvarpsstovuni millum Elsu Berg frá Ringrás og Ben Arabo, nevndarformann í Atlantic Petroleum.