Viljormur: - Vit eru hepnir at fáa javnleikin við okkum

Viljormur Davidsen spældi sín 95. landsdyst fyri Føroyar í Chisinau í Moldova, og krýndi løtuna við enn einum brotssparksmáli fyri Føroyar.

Tey eru nú seks í tali - sjeynda málið hjá liðskiparanum kom í minniliga 2-1 sigrinum á Turkalandi á sinni. 

 - Kenslan var góð. Eg vandi eitt sindur í gjár, og eg fór fram og skoraði aftur hesa ferð, so tað var deiligt, segði liðskiparin.

Tað var kortini ikki nóg mikið til at vinna dystin og fáa trý stig við sær. Í staðin endaði dysturin við 1-1 javnleiki, eins og hinir, sum Føroyar hava spælt í Moldova.

 - Eitt vónbrot, men vit hava hepnið við okkum til endans. Teir leggja øgiligt trýst á okkum, hava nakrar stórar kjansir, og raka tvørtræið, segði liðskiparin.

Tað var ikki tað einasta innskifti Sergiu Percuin rakti í seinna hálvleiki. Hann javnaði nevniliga til 1-1 við einum framúr góðum frísparksmáli úr spískum vinkli, áðrenn hann rakti bæði tvørtræ og stong við flottum skotum.

 - Teir vóru nærri við at vinna enn vit, so til síðst eru vit hepnir at fáa javnleik við her frá, segði Viljormur Davidsen.