Fer at taka fleiri ár

Í Gist&Vist høvdu tey 997 fólk á lønarlistanum, tá árið byrjaði. Í 2021 eru hesi 367. Tey fastløntu vóru 67, nú eru tey 29. Lønarútreiðslurnar eru minkaðar 53 prosent, ársverkini úr 208 í 2019 niður í 100 í 2020.

Í Vága floghavn vóru 45 starvsfólk við ársbyrjan 2020. Nú eru umleið 35 starvsfólk. Og í Atlantsflogi vóru 240 starvsfólk. 100 fólk vóru uppsøgd, svarandi til 60 fulltíðarstørv.

Ein framtíðarmeting hjá Atlantsflogi  sigur, at tey røkka umleið 70 prosentum av umsetninginum í 2021, sum tey høvdu í 2019.

Hóast teir eru ósamdir um, hvussu leingi tað tekur ferðavinnuni at koma upp á 2019 stigið aftur, so eru Jóhannes Jensen, stjóri í Gist&Vist, og Regin I. Jacobsen, stjóri í Vága Floghavn, kortini samdir um, at tað fer at verða trupult komandi tíðina.