Johan Dahl setur samgonguna undir trýst

Tað er trýst á løgmanni og samgonguni, nú Johan Dahl hóttir við at atkvøða saman við andstøðuni í málinum um at javnseta samkynd í barsilsskipanini.

Johan Dahl vil ikki gera samrøðu við Kringvarpið. Hann skrivar hinvegin í álitinum, at:

"Sum fólkavaldur parlamentarikari, valdur til at tæna fólkinum til at gera lógarsmíð,sum skal hava eins virknað og rættindi fyri ølltey,sum lógirnar umfata, kann undirritaðiikki taka undir við, at vit sum samgonga ikki vilja tryggja minnilutum, sum her samkyndum pørumog harvið børnum teirra, at fáa somu løgligurættindi til barsilsskipanina, sum restin av borgarum landsins."

Annika Olsen, fyrrverandi borgarstjóri í Havn, hevur aftur tikið sæti í Løgtinginum.

- Eg eri av teirri sannføring, at tað er rætt at javnseta øll børn, uttan mun til, hvørja sivilstøðu foreldrini hava. Tað sjónarmiðið standi eg við, sigur hon.

Hon vil kortini ikki siga, um hon fer at atkvøða fyri uppskotinum.