Lendisrenning: Sarah og Bjarki eru føroyameistarar

08.02.2021 - 13:25
ÍtrótturAnnar ítróttur
Lendisrenning: Sarah og Bjarki eru føroyameistarar
Tveir nýggir føroyameistarar í lendisrenning vórðu funnir leygardagin. Sarah Vallin og Bjarki Johannesen runnu seg til FM fyri fyrstu ferð

Bjarki Johannesen úr Roysni og Sarah Vallin úr Bragdinum vunnu um vikuskiftið FM-heitið í lendisrenning.

Bjarki Johannesen, sum hevur runnið væl í vetur, kappaðist við Peter Jensen úr Bragdinum.

Mundi koppa Bjarka

Í 4. umfari av vetrarkappingini, sum var í Vágum, var um reppið, at Peter Jensen koppaði Bjarka Johannesen, men soleiðis varð ikki hesa ferð.

Bjarki Johannesen (29.50.4) vann trygt ein minutt og níggju sekund frammanfyri Peter Jensen. Helgi Winther Olsen fekk triðja plássið.

Eg ætlaði ikki, at tað skuldi verða so javnt sum seinast, so eg vildi leggja eitt javnt hægri tempo allan vegin og so síggja, hvussu tað gekk, og tað eydnaðist so, segði nýklækti FM-vinnarin.

Sarah vann - Rebekka var ikki við

Rebekka Fuglø, sum hevði vunnið allar vetrarkappingarnar undan lendisrenningini, var ikki við leygardagin. Kappingin stóð ímillum Saruh Vallin og FM-vinnaran frá í fjør, Mariu Biskopstø.

Ta kappingina vann Sarah Vallin (34.19.4) og Maria Biskopstø mátti taka til takkar við 2. plássi hesa ferð. Ann-Mari av Skarði fekk triðja plássið.

Vit manglaðu Rebekku. Tað var spell, at hon ikki var við, men eg hopi, at eg hevði vunnið óansæð, segði Sarah Vallin.

 
Er kopiera

Tak niður

Nýggjastu sendingar í ÚV
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Hósdag 23. september
Góðan morgun Føroyar 23.09.2021
128941
Hósdag 23. september
Nón 22. september 2021
128935
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699