Næmingum dámar væl breytir

Dreingir í fólkaskúlanum eru verri fyri fakliga enn gentur. Í Degi og Viku í gjár hoyrdu vit um eina kanning frá Námsvísindadeildini á Fróðskaparsetrinum, ið vísir, at dreingir fáa lægri próvtøl enn gentur í fráfaringarroynd fólkaskúlans. Ein av orsøkunum er, at tað er ymiskt, hvat gentur og dreingir tíma í skúlanum. 
Í Fuglafjarðar skúla skipa tey skúladagin hjá 10. flokki á ein heldur øðrvísi hátt. Næmingarnir sleppa at velja breytir og lærugreinar sjálvi, og hetta dámar teimum væl.