Vilja taka 17.000 um árið í tænastugjøldum

Kommunufelagið sigur seg hava gjørt semju við landsstýrið, um at fáa heimild til at krevja tænastugjald frá fólkum, sum eiga hús í kommununi, men ikki búgva har. Landsstýrismaðurin í fíggjarmálum sigur, at málið er umrøtt á fundi millum Kommunufelagið og Landsstýrið uttan, at nøkur niðurstøða er gjørd. Landsstýrismaðurin ætlar sær avgjørt ikki at geva kommunum hesa heimildina.

Borgarstjórin í Sunda Kommunu vil annars sleppa at krevja eitt árligt tænastugjald uppá 17 túsund krónu frá fólki, sum eiga frítíðarhús í kommununi. Fyrrverandi borgarstjórin er ímóti og kallar hetta fyri ognarskatt.