Ítróttasambandið skipar íðkaranevnd

Føroysk ítróttarfólk skulu takast í størri álvara. 

Tað sigur Ítróttasamband Føroya, sum á aðalfundinum um vikuskiftið skipaði eina sokallaða íðkaranevnd. 

Nevndin verður vald í heyst, og forkvinnan ella maðurin fær sæti og atkvøðurætt í starvsnevndini hjá ÍSF.

 - Tað, at íðkararnir fáa sína egnu nevnd, at ein av íðkarunum kemur at sita til borðs til starvsnevndarfundir og hevur atkvøðurætt, tað vísir heilt klárt, at mann skal taka røddina hjá íðkaranum í álvara, sigur Jon Hestoy, varaforseti í ÍSF.

 - Vit vilja fegin hoyra íðkararnar og geva teimum eina rødd, millum annað í avgerðunum, sum verða tiknar, sum viðvíkja teimum, sigur Elin Heðinsdóttir Joensen, forseti í ÍSF.