Ingi tvífaldur føroyameistari á langteini

Ingi Johannessen vann 5000 og 10000 metra renningina til føroyameistaraheitini í frælsum ítrótti. 

Hann metti seg hava góðan møguleika at vinna renningina, tí fleiri avboð vóru. Millum annað var Bjarki Johannesen, sum hevur verið klárt besti langteinarennarin í Føroyum seinasta árið, ikki við vegna skaða. 

Á báðum teinunum kappaðist Ingi Johannessen við teir báðar, Jaspur Højgaard og Súna Jacobsen. 

5000 meturin var javnur, men Ingi Johannessen kom á mál smá fimm sekund frammanfyri Jaspur Højgaard. Á 10000 metra teininum var munurin størri. 

Ingi Johannessen vann við tíðini 37:56.30, meðan Jaspur Højgaard vann silvur við 38:26.35.