Reglugerð um óljóð

23.11.2021 - 20:11
Aktuelt
Reglugerð um óljóð
Kommunurnar eru nú samdar um eina felags reglugerð, ið skal avmarka óljóð frá skipum.

Endamálið við reglugerðini er - sum kommunurnar orða tað - at minka um ampar av lágfrekventum motorljóði frá skipum við bryggju. 

At byrja við verður markvirðið 58 desibell um náttina og 60 desibell um dagin. 1. juli í 2023 lækkar markvirðið niður í 56 desibell um náttina og 58 desibell um dagin. Og 1. januar 2025 verður markvirðið 54 desibell um náttina og 56 desibell um dagin. 

Harumframt er ein áseting, sum loyvir meira óljóði, um fleiri skip liggja uttaná hvørjumm øðrum. 

Sambært reglugerðini byggja markvirðini á ljóðmátingar, sum eru gjørdar í summar og í heyst.
 
Tað eru kommunalu havnarmyndugleikarnir, sum skulu tryggja, at óljóðið ikki fer upp um nøkur markvirði, sum eru ásett í reglugerðini. Tað kann gerast við at áleggja skipum at umleggja, útseta ella steðga larmandi virksemi. Og havnamyndugleikarnir fáa eisini heimild at vísa burtur skipum.

Við reglugerðini binda kommunurnar seg til ikki at taka ímóti skipum, sum eru burturvíst úr aðrari havn.

 
Er kopiera

Tak niður

Nýggjastu sendingar í ÚV
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769