Kongoránið í sjónvarpinum í kvøld

bannari
29.11.2021 - 11:17
AktueltPengar
Kongoránið í sjónvarpinum í kvøld
VIDEO: Klokkan 20 í kvøld vísir Kringvarpið dokumentarin "Kongoránið", ið sigur søguna um, hvussu tíggjutals stolnar Kongo-milliónir eru hvítvaskaðar í Føroyum

Kringvarpið kann, sum úrslit av altjóða miðlasamstarvi við millum onnur BBC, Bloomberg og Spiegel, avdúka, at rændar milliónir eru fluttar úr Kongo í føroysk feløg

Dokumentarurin "Kongoránið" siga nú søguna um stóra ránið í Kongo, har fyrrverandi forsetin í stóra miðafrikanska landinum hevur flutt pengar úr ríkiskassanum niður í lumman hjá sær sjálvum, vinum og skyldfólki.

Ein partur av rændu pengunum vóru fluttir til Føroya í tíðarskeiðnum 2013 til 2017.

Skjøl vísa, at í alt vóru 120 milliónir krónur fluttar úr Kongo til Føroya í føroysk feløg og føroyskar skipanir.

Kringvarp Føroya hevur seinastu mánaðirnar verið við til at kanna og nærlesa loyniskjøl úr stóra afrikanska bankanum BGFI. Felagsskapurin PPLAAF og tíðindamiðilin Mediapart fingu fatur í víðfevnda dátulekanum fyrr í ár.

Talan er um størsta lekan av skjølum á afrikanska meginlandinum nakrantíð, okkurt um 3,5 mió. skjøl.

 

Altjóða miðlasamstarv 

Fyrsta høvuðssøgan um rændu milliónirnar úr Kongo kom á breddan í altjóða miðlunum fríggjadagin. Onnur høvuðssøgan – um milliónirnar, sum vórðu fluttar til Føroya – verður fyrst søgd í Føroyum. Tá ið tey tíðindini eru søgd í Kringvarpinum, verður søgan úr Føroyum eisini søgd í hinum miðlunum.

Tað eru journalistarnir Barbara Holm og Uni Holm Johannesen, sum saman við fríyrkisjournalistinum Jan Lamhauge hava gjørt arbeiðið fyri KvF. 

Tilfarið, ið "Kongoránið" byggir, er framleitt í samstarvinum Congo Hold-Up, sum BBC Africa Eye (Bretland), Bloomberg (USA), Der Spiegel (Týskland), De Standaard (Belgia), Expresso (Portugal), InfoLibre (Spania), KvF (Føroyar), Le Soir (Belgia), L'Orient le Jour (Libanon), Mediapart (Frakland), Nacional (Kroatia), NRC (Holland), Politiken (Danmark), RCIJ (Rumenia), RFI (Frakland), The Continent (Suðurafrika), The Namibian (Namibia), The Wire (India), og VG (Norra) hava verið partur av.

Altjóða umrøðan kann fylgjast á Twitter á #congoholdup

 

 

 

 
Er kopiera

Tak niður

Nýggjastu sendingar í ÚV
Leygardag 21. mai
Morgunlestur leygardagur 21.mai 2022
139574
Fríggjadag 20. mai
Nón 20. mai 2022
139935
Fríggjadag 20. mai
Vesisex á Gentuvesinum
139930
Fríggjadag 20. mai
Ein granni ger innrás 4:4
139900
Nýggjastu sendingar í SV
Hósdag 19. mai
Sært tú meg 2:3
139885
Mánadag 16. mai
3-2
139731
Sunnudag 15. mai
Andakt við Andriasi Magnussen
139652
Sunnudag 15. mai
Guðstænasta úr Vesturkirkjuni
139650
Leygardag 14. mai
Stóri FM-dagurin
139646