Tórshavn Marathon broytir ferðsluna

Tórshavn Marathon broytir ferðsluna
Tað er í dag, at stóra altjóða rennikappingin er í høvuðsstaðnum, og hon hevur broytingar við sær í ferðsluni, m. a. mugu bilar brúka Oyggjarvegin til og frá høvuðsstaðnum
Savnsmynd frá Tórshavnar Marathon
 
01.06.2025 - 16:00

Fleiri enn 700 rennarar úr 23 ymiskum londum renna í dag Tórshavn Marathon og aðrar styttri teinar.

Árliga kappingin, sum Bragdið skipar fyri, byrjaði í Vágsbotni klokkan 13.00 seinnapartin, tá rennararnir løgdu til brots, og kappingin endar klokkan 18.

Úr Vágsbotni fara rennararnir niðan á Vaglið og oman eftir Áarvegnum og eftir Havnargøtu yvir til Skansan, har tey síðan seta kós móti Boðanesi eftir strandarvegnum, og síðan fara tey eftir Ringvegnum niðan til rundkoyringina við Ítróttarhøllina á Hálsi, har tey snara oman í býin eftir R. C. Effersøesgøtu og Jónas Broncks Gøtu. 

Tey, sum renna hálvan sætta kilometur, renna hesa rutuna einaferð, meðan tey, sum renna tíggju kilometrar renna hana tvær ferðir. Tey, sum renna heilt og hálvt marathon renna einaferð afturat eftir strandarvegnum og fara so eftir Hvítanesvegnum. Tey, sum renna heilt marathon renna heilt til Kaldbaks og so aftur til Havnar, meðan tey sum renna hálvt marathon renna inn á Sund, har tey venda við aftur.

Kappingin hevur sum vera mann við sær, at ferðslan í høvuðsstaðnum og á vegnum til Kaldbasbotn og Kaldbaks er rættiliga avmarkað meðan runnið verður. Og frá klokkan 13 til 18 er eisini Eysturoyartunnilin stongdur frá tunnilsmunnanum við Hvítanes til rundkoyringina í tunlinum.

Tað vil siga, at skal mann til Havnar meðan runnið verður, so má mann fara eftir Oyggjarvegnum. Tað er tó koyrandi í Eysturoyartunlinum um mann skal koyra millum Rókina og Strendur.

Meira kunning um stongdar vegir sæst á heimaðsíðuni hjá Tórshavnar kommunu. 

Bragdið og Tórshavnar Kommuna leggja dent á, at hetta er ein renniveitsla fyri øll. Tónleikur er á rutuni í býnum og við málið, so rættiligt lív er í høvuðsstaðið okkara, skrivar Bragdið í tíðindaskrivi. 

 

Hoyr alt innslagið um Tórshavn Marathon, sum var í tíðindasendingini klokkan 14.00:

1746582


 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592