Vil hava uppskotið um foreldramyndugleika broytt

Heitið "pápi" skal í lógartekstin, og felags foreldramyndugleikin eigur ikki at vera treytaður av, um landsfólkayvirlitið sigur, at foreldur hava búð saman í 10 mánaðir, heldur Jørgen Niclasen.

- Tað havi eg eisini sagt inni í samgonguni, sigur hann.

Í uppskotinum stendur, at eru foreldur ikki gift, hevur mamman foreldramyndugleikan einsamøll, uttan so, at foreldrini hava gjørt avtalu um felags foreldramyndugleika. Tað stendur eisini, at hava foreldrini havt felags bústað sambært landsfólkayvirlitinum samanhangandi seinastu 10 mánaðirnar, áðrenn barnið varð føtt, hava tey felags foreldramyndugleika.

- Í fleiri førum er støðan tann, at tvey, sum fáa barn, hava bústað heima hjá foreldrunum í eina tíð, so eg haldi ikki, at landsfólkayvirilitið eigur at avgera tað, sigur hann.