Skulu tryggja sær plássið

21.09.2022 - 12:49
ÍtrótturFótbóltur
Skulu tryggja sær plássið
- Er málleyst í 85. minutti, so satsa vit neyvan alt, tí tá kunnu vit vera nøgdir við eitt stig. Tað sigur Viljormur Davidsen, undan Nations League-dystinum ímóti Litava

Tað ræður fyrst og fremst um at tryggja sær plássið í C-deildini í Nations League. 

Í annaðkvøld spælir fótbóltslandsliðið sín næstsíðsta dyst í hesari kappingini á útivølli ímóti Litava. Føroyar eru undan dystinum fýra stig framman fyri litavar, og tí er javnleikur nøktandi.

 - Vit fara sjálvandi eftir at vinna, tann hugburðin skulu vit hava til hvønn landsdyst, men er málleyst í 85. minutti, so satsa vit neyvan alt, tí tá kunnu vit vera nøgdir við eitt stig, sigur Viljormur Davidsen.

Málmanstvídysturin darvar ikki verjuspælið

Síðstu árini hevur dysturin um málmansplássið verið harður millum Teit Matras Gestsson og Gunnar Nielsen, sum annars átti plássið í langa tíð.

Håkan Ericson segði mánadagin, at hann umhugsar at geva teimum báðum hvør sín dyst í hesum umfarinum. Viljormur Davidsen heldur ikki, at hetta darvar verjuspælið.

 - Teir hava hvør sínar avgjørdu styrkir, so tað kann vera ein fyrimunur.  Upp á tann mátan passar annar kanska betri til annan dystin, meðan annar passar betur til hin, sigur Viljormur Davidsen.

 - Teir eru royndir og spæla væl, og kappingin teirra millum er hørð, so vit kenna okkum tryggar óansæð.

 
Er kopiera

Tak niður

Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956