Fleiri ukrainar til Føroya

Óvanliga nógv flóttafólk úr Ukraina eru á veg til Føroya. Tá kríggið brast á, vóru mong, ið søktu um uppihaldsloyvi í Føroyum, men síðan hava fáar umsóknir verið.

Men nú tað aftur er blivið serliga ófriðarligt í Ukraina, merkist tað hjá Reyða Krossi, sum m.a. skipar fyri móttøkuni. Bara í november eru 33 ukraninar komnir til Føroya. 

Ein teirra, sum er komin til Føroya, er Oleksandra Lysechko. Hon og sonurin flýddu úr hersetta Mariupol, og síðst í apríl komu tey til Føroya.