Ivast í um flokkurin kemur afturíaftur

Kristin Michelsen, tingmaður hjá Sjálvstýri, ásannaði í gjárkvøldið, tá ið valúrslitið var klárt, at hann kanska hevði gjørt ov lítið fyri at vinna flokkinum fleiri atkvøður.

Sámal Petur í Grund, formaðurin í Sjálvstýri, segði í gjárvkvøldi, at flokkurin nú má eftirmeta støðuna.

Tað er aðru ferð í søguni, at Sjálvstýri ikki hevur fingið umboð valt á løgting, síðani flokkurin fyrstu ferð stillaði upp í 1906. Tað var í 1943, at flokkurin ikki náddi tinggáttina, men í 1946 fekk flokkurin aftur umboð á ting og hevur havt tað síðani - heilt til í gjár.

Kristin Michelsen, ið hevur verið valdur á løgting tríggjar ferðir - tvær ferðir fyri Javnaðarflokkin og eina ferð fyri Sjálvstýri - fer, nú at vera borgarstjóri burturav.

Hann fer helst ikki at stilla upp aftur til løgtingið.