Nýggja plátan hjá 200 verður reyvhørð

Í 27 ár hava limirnir í 200 rópt og skrálað um at fáa javnbjóðisrættindi til samkynd, størri samhaldsfesti, og at Føroyar yvirhøvur skulu vera eitt meira modernað og rúmligari samfelag.

Myndir: Bárður Veihe

200, Niels Arge Galán

Teir hava hartað kristnum afturhaldssinni, og Kaj Leo Johannesen og hansara sambandslandsstýrum. 

Mikael Blak, 200

Men nú limirnir í 200 eru farnir í upptøkuhølið fyri sjeyndu ferð, so kann tað vera torført at fáa eyga á, hvat teir í roynd og veru hava at vera ónøgdir um. 

200, studio, Studio Bloch

Støðan í Føroyum í dag er, at samkynd kunnu giftast, og Kaj Leo Johannesen og Sambandsflokkurin sita í andstøðu saman við Jenisi av Rana og Miðflokkinum. Aksel V. Johannesen, formaður í Javnaðarflokkin, er løgmaður, og so er Høgni Hoydal, formaður í Tjóðveldi, landsstýrismaður í uttanríkismálum. 

Ikki trupult at finna íblástur

Hóast tað, so trýtur ikki við íblástur til nýggju útgávuna, ið fer at bera heitið "Reyvhart", halda limirnir í 200. 

Niels Arge Galán, 200

"Her er so nógvur fananskapur í landinum, og mutur og alt ólekkurt. Tað er farið undir yvirflatuna. Vit royna at skava í lakkinum," sigur Niels Arge Galan, sangari og gittarleikari. 

200

"Vit lata sum um, at Føroyar eru eitt glansbílæt, og vit eru so gestablíð. Men vit halda altso trælum í pitsmatstovum og sovorðið, men vit eru ordiliga fitt. Vit hava fínar bílar, men um onkur býr undir einari djúpsteikigrýtu, ja, tað leggja vit ikki ordiliga merki til tað."

Vildu bara spæla rokk á føroyskum

200 varð stovnaður í 1996. Tað vil siga, at teir í 200 hava spælt saman í 27 ár. 

Mikael Blak, 200

"Vit vildu bara spæla alternativan og modernaðan rokktónleik á føroyskum," sigur Mikale Blak, ið spælir bass. 

200, Niels Arge Galán

"Tað samfelagskritiska kom av sær sjálvum," leggur Niels Arge Galán afturat. 

Uni Árting, 200

Tað eru sjey ár síðan síðstu plátuna, og tað er fýra ár for leingi, halda limirnir í bólkinum. 

"Vit kjakast enn um pláta skal eita Reyvhart. Tónleikurin skal verða reyvharður, og so er tað ein tilvísing til Braveheart. Nógvir sangir eita okkurt við reyv."

Fakta um 200
200 varð stovnaður í 1996, tá ein samlingsfløga "Rock í Føroyum 2" av ymiskum tónleiki í Føroyum skuldi innspælast.
Navnið kemur av tí, at limirnir í bólkinum eru 200 % fyri loysing.
Limir eru Niels Arge Galán (sang & gittar), Mikael Blak (bass) og Uni Árting (trummur)

Útgávur:

• 2001 200%.
• 2005 Viva la Republica.
• 2006 Graceland.
• 2008 200 Decibel (Live á Roskilde 2006)
• 2009 Stokkhólmssyndromið.
• 2012 VENDETTA!.
• 2016 Reytt pass