Håkan: Vit skapa ov lítið

Tað var ein vónbrotin og ørkymlaður landsliðsvenjari, sum býtti dystin ímóti Moldova upp í tveir partar.

 - Vit spæla frálíkan fótbólt teir fyrstu 35 minuttirnar, men síðan bjóða vit teimum inn í dystin við at leggja nakrar óneyðugar sendingar, og tað eri sera ørkymlaður um, segði Håkan Ericson.

Føroyar gjørdu sær ikki dælt av yvirtakinum, og síðan byrjaðu mistøkini at sníkja seg inn í føroyska spælið. Beint fyri steðgin mundu Moldavar lagt seg framum, tá Brandur Hendriksson Olsen misti bóltin mitt fyri á egnari hálvu.

Stutt eftir steðgin eydnaðist hjá útiliðnum at skora eftir skjótt mótálop í høgru síðu.

 - Teir eru meir ágangandi enn vit eftir steðgin, og vit fáa ikki okkara spæl í gongd, og tað eri eg rættiliga vónbrotin av, segði landsliðsvenjarin.

 - Málið broytir í stóran mun dystin. Vit spæla verri, meðan teir sjálvandi fáa nýggja orku.