Grønlendsk vitjan í føroyskum hyli

Tað vóru ikki bert føroyskir svimjarar, sum kavaðu í hylin, tá kappingarárið byrjaði vð HS Open um vikuskiftið.

Grønlendsku systkini, Victoria og  Adam Tetzschner, vóru eisini millum tey, sum kappaðust um heiðursmerki í svimjihylinum í Havn.

Ferðin er komin í lag í samstarvi við Havnar Svimjifelag, og peningurin er komin frá høvuðsstaðargrunninum, Nuuk-Reykjavík-Tórshavn.

 - Hetta er ein frálík kapping fyri okkum, tí vit hava líknandi avbjóðingar, sigur Adam Tetzschner, venjari í Nuuk Svømmklub.

Ætlanin er, at føroyskir og grønlendskir skulu kappast í Reykjavík seinni, og at Ísland verður partur av samstarvinum.

 - Vit vóna, at vit kunnu samstarva við íslendingar eisini, sigur forkvinnan í Havnar Svimjifelag, Maria Nielsdóttir.

 - Vit hava havt samstarv fyrr, men tað er dottið niður fyri, men við hesum stuðlinum vóna vit, at tað kemur aftruí aftur, sigur forkvinnan.

Systkini, Victoria og Adam, vóru væl nøgd við kappingina í Føroyum og vunnu samanlagt seks heiðursmerki, fýra silvur og eina bronsu.