Væl nøgdur norskur venjari

16.11.2023 - 20:30

Ítróttur›Fótbóltur

Fyrsti hálvi tímin var sera góður, og eftir tað fall leikferðin nakað, og Føroyar komu eitt sindur fyri seg, helt norski venjarin, Ståle Solbakken, eftir 2-0 sigur átil Norra

Símun Christian Olsen

Norski venjarin, Ståle Solbakken, var væl nøgdur við fyrsta hálva tíman á Ullevaal hósdagin.

- Fyrsta hálva tíman spæla vit sera væl. Vit skapa fleiri stórar málkjansir afturat málunum, segði Ståle Solbakken eftir dystin í Oslo.

Norski venjarin rósti føroyingum fyri væl skipað verjuspæl, men tað kom heldur ikki óvart á.

- Teir eru truplir at bróta niður í 5-4-1 leikskipan síni, segði Ståle Solbakken, sum sunnudagin skal royna at fáa eitt líknandi úrslit á útivølli ímóti Skotlandi.