Dráttur aftur fremst

Høllin á Giljanesi (Føroya Tele-deildin, kvinnur)
Dráttur – KÍF 3-0 (26-24, 25-18, 25-13)

Við sigri á KÍF tók Dráttur oddasessin í bestu kvinnudeildini í flogbólti aftur frá Fleyr. 

Heimaliðið hevði stórar avbjóðingar í fyrsta setti. KÍF byrjaði væl, men tá heimaliðið legði seg framum 20-17, sá út til at Dráttur stevndi beint ímóti sigri í fyrsta setti. So lætt gjørdist tað kortini ikki. KÍF vann seg upp á 24-22, men megnaði ikki at avgera, og so vann Dráttur kortini.

Annað og triðja sett vunnu vágakvinnur sannførandi og yvirhálaðu Fleyr á stigatalvuni. Dráttur hevur 14 stig, Fleyr hevur 13, meðan TB, SÍ og KÍF hava seks í part. Niðast eru Mjølnir við trimum stigum og Ternan, sum einki stig hevur fingið enn. 

Leygardagin verður grannauppgerð millum Drátt og SÍ, sum byrjaði illa, men hevur vunnið tveir teir seinastu dystirnar.